Mahigit 3,800 naaresto simula nang umiral ang lockdown sa Navotas City
Umabot na sa mahigit 3,800 ang bilang ng mga naarestong violators simula nang umiral ang lockdown sa Navotas City.
Sa datos ng Navotas City LGU, hanggang kahapon July 23 ay 3,896 na ang bilang ng mga naarestong lockdown violators.
Sa nasabing bilang, 3,689 ang nasa hustong gulang na habang 207 ang menor de edad.
Ang mga nahuli ay lumabag sa iba’t ibang ordinansa kabilang na ang mandatory na pagsusuot ng face mask.
