Mahigit 3,000 na bagong kaso ng COVID-19 naitala sa magdamag; 51 pa ang pumanaw

Nakapagtala muli ng mahigit 3,000 na bagong kaso ng COVID-19 sa bansa sa magdamag.

Sa inilabas na datos ng Department of Health (DOH) alas 4:00 ng hapon ngayong Linggo (March 7), umabot na sa 594,412 ang kabuuang bilang ng kaso ng COVID-19 sa bansa.

Ito ay makaraang makapagtala ng 3,276 na dagdag na mga kaso. Ito na ang ikatlong sunod na araw na mahigit 3,000 ang naitatalang bagong kaso.

Sa kabuuang bilang ng COVID-19 cases, 545,853 ang gumaling o katumbas ng 91.8 percent makaraang makapagtala pa ng dagdag na 10,516 na gumaling.

36,043 naman ang active cases o katumbas ng 6.1 percent.

Habang nakapagtala pa ng dagdag na 51 pang pumanaw sa sakit.

12,516 ang kabuuang death toll sa bansa o 2.11 percent.