Mahigit 3,000 na bagong kaso ng COVID-19 naitala sa magdamag; 19 pa ang pumanaw

Nakapagtala ng mahigit 3,000 na bagong kaso ng COVID-19 sa bansa sa magdamag .

Sa inilabas na datos ng Department of Health (DOH) alas 4:00 ng hapon ngayong Biyernes (March 5), umabot na sa 587,704 ang kabuuang bilang ng kaso ng COVID-19 sa bansa.

Ito ay makaraang makapagtala ng 3,045 na dagdag na mga kaso.

Ito ang pinakamataas na single-day tally ngayong 2021.

Sa kabuuang bilang ng COVID-19 cases, 535,207 ang gumaling o katumbas ng 91.1 percent makaraang makapagtala pa ng dagdag na 178 na gumaling.

40,074 naman ang active cases o katumbas ng 6.8 percent.

Habang nakapagtala pa ng dagdag na 19 pang pumanaw sa sakit.

12,423 ang kabuuang death toll sa bansa o 2.11 percent.