Mahigit 23.5M na mag-aaral nakapag-enroll na para sa SY 2020-2021

Umabot na sa mahigit 23.5 million na mga mag-aaral ang nakapag-enroll na para sa SY 2020-2021.

Sa datos mula sa Department of Education (DepEd) 23,548,214 na mga mag-aaral na ang nakapagpa-enroll.

Sa nasabing bilang 21,760,794 ang nagpatala sa mga pampublikong paaralan.

1.74 million naman ang nagpa-enroll sa private schools.

Malaking bilang ng enrollees ay sa elementarya na umabot sa 11,448,961.

May nagpa-enroll din na 7,419,059 para sa junior high school habang 2,612,786 sa senior high school.

Madaragdagan pa ang bilang ng enrollees dahil patuloy pa ang enrollment sa ilang pribadong paaralan.