Mahigit 2,000 na bagong kaso ng COVID-19 naitala sa magdamag; 26 pa ang nasawi

Nakapagtala ng mahigit 2,000 na bagong kaso ng COVID-19 sa bansa sa magdamag.

Sa inilabas na datos ng Department of Health (DOH) alas 4:00 ng hapon ngayong Biyernes (Pebrero 12), umabot na sa 545,300 ang kabuuang bilang ng kaso ng COVID-19 sa bansa.

Ito ay makaraang makapagtala ng 2,022 na dagdag na mga kaso.

Ito ang highest single-day tally ng DOH simula noong January 31.

Sa kabuuang bilang ng COVID-19 cases, 500,654 ang gumaling o katumbas ng 91.8 percent makaraang makapagtala pa ng dagdag na 333 pa na gumaling.

33,151 naman ang active cases o katumbas ng 6.1 percent.

Habang nakapagtala pa ng dagdag na 26 pang pumanaw sa sakit.

11,495 ang kabuuang death toll sa bansa o 2.11 percent.