Mahigit 1,300 na bagong kaso ng COVID-19 naitala sa magdamag
Nakapagtala ng 1,353na bagong kaso ng COVID-19 sa bansa nakalipas na magdamag.
Sa inilabas na datos ng Department of Health (DOH) alas 4:00 ng hapon ngayong Huwebes (Enero 7), umabot na sa 482,083 ang kabuuang bilang ng kaso ng COVID-19 sa bansa.
Sa nasabing bilang, 449,052 ang gumaling o katumbas ng 93.1 percent makaraang makapagtala pa ng dagdag na 360 na gumaling.
23,675 naman ang active cases o katumbas ng 4.9 percent.
Habang nakapagtala pa ng dagdag na 9 pang pumanaw sa sakit.
9,356 ang kabuuang death toll sa bansa o 1.94 percent. (D. Cargullo)
