Mahigit 1,000 na bagong kaso ng COVID-19 naitala sa magdamag

Nakapagtala lang ng 1,097 na bagong kaso ng COVID-19 sa bansa nakalipas na magdamag.

Sa inilabas na datos ng Department of Health (DOH) alas 4:00 ng hapon ngayong Sabado (Enero 2), umabot na sa 476,916 ang kabuuang bilang ng kaso ng COVID-19 sa bansa.

Sa nasabing bilang, 439,942 ang gumaling o katumbas ng 92.2 percent makaraang makapagtala pa ng dagdag na 47 na gumaling.

27,721 naman ang active cases o katumbas ng 5.8 percent.

Habang nakapagtala pa ng dagdag na 5 pang pumanaw sa sakit.

9,253 ang kabuuang death toll sa bansa o 1.94 percent. (D. Cargullo)