Magnitude 5.6 na lindol tumama sa Batanes
(UPDATE) Niyanig ng magnitude 5.6 na lindol ang lalawigan ng Batanes.
Ayon sa Phivolcs, ang pagyanig ay naitala sa layong 73 kilometers northeast ng Itbayat, 4:14 ng hapon ngayong Huwebes, February 4.
May lalim na 2 kilometers ang lindol at tectonic ang origin.
Naitala ang Intensity II sa Itbayat, Batanes.
Hindi naman ito inaasahang magdudulot ng pinsala.
Pero ayon sa Phivolcs, maari itong magdulot ng aftershock.
