Magat Dam magpapakawala ng tubig bukas (Mar. 25) ng umaga
Nagpalabas ng abiso ang National Irrigation Authority (NIA) hinggil sa isasagawang pagpapakawala ng tubig sa Magat Dam sa Isabela.
Batay sa abiso, magbubukas ng isang gate ang Magat Dam bukas, March 25 alas 10:00 ng umaga.
Bunsod ito ng naransang pag-ulan dulot ng Northeast Monsoon o Amihan.
Sa abiso ng Isabela Provincial Disaster Risk Reduction and Management Council, pinapayuhan ang mga reisdente na iwasan ang tumawid o mamalagi sa tabing ilog sa nasabing oras.
Ang mga alagang hayop ay mabuting dalhin sa mataas na lugar.
Martes (Mar. 24) ng umaga, ang water level ng Magat Dam ay nasa 191.65 meters.
