Mag-asawang Mayor at Vice Mayor ng San Mateo, Rizal kapwa positibo sa COVID-19
Parehong positibo sa COVID-19 ang mayor at vice mayor ng munisipalidad ng San Mateo sa lalawigan ng Rizal.
Sa pamamagitan ng Facebook post sinabi ni Vice Mayor Paeng Diaz na sya at kaniyang asawa na si Mayor Tina Diaz ay sumailalim sa RT-PCR test noong August 18 ngayong araw, August 20 lumabas ang resulta na sila ay kapwa positibo sa sakit.
Ayon sa vice mayor na kapwa mild symptoms ang nararanasan nilang mag-asawa.
Dahil dito, sasailalim sa isolation ang mag-asawa.
Pansamantalang itinalaga naman ni Mayor Tina Diaz si Municipal Administrator Ricardo R. Gomez bilang signatory sa lahat ng opisyal na transaksyon sa bayan.
Mananatili at magpapatuloy namang na nakatutok ang mag-asawang Diaz sa ginagawang pagtugon ng likal napamahalaan sa COVID-19.
