LRT-2 walang biyahe mula Miyerkules Santo hanggang sa Linggo ng Pagkabuhay
Inilabas na ng pamunuan ng LRT-2 ang kanilang schedule para sa Holy Week operations nito.
Ayon sa Light Rail Transit Authority (LRTA), sa March 29, 2021 – Lunes Santo ay normal pa ang operasyon ng mga tren ng LRT-2.
Sa Martes Santo, March 30 ay magpapatupad ng shortened operations sa mga tren.
Alas 5:00 ng umaga ang unang biyahe at alas 8:00 ng gabi ang last commercial train mula Recto at mula Santolan.
Simula sa March 31, Miyerkules Santo hanggang sa April 4, Linggo ng Pagkabuhay ay walang biyahe ang LRT-2.
Balik naman ito sa normal na operasyon sa Lunes, April 5.
