LRT-2 balik-operasyon na simula bukas
Dahil sa muling pagsasailalim sa Metro Manila sa General Community Quarantine, may biyahe na muli ang mga tren.
Sa abiso ng Light Rail Transit Authority (LRTA), balik operasyon na ang LRT-2 bukas, August 19, 2020.
Ang unang commercial train sa Araneta Center – Cubao at sa Recto ay aalis ng alas 5:00 ng umaga.
Alas 8:30 naman ng gabi ang alis ng last train sa Cubao habang alas 9:00 ng gabi ang alis ng last train sa Recto.
Paalala ng LRTA, lahat ng pasahero ay dapat may suot na face mask at face shield.
Hindi papapasukin ng istasyon kung walang suot na face mask at face shield.
