LPA sa Mindanao nalusaw na; panibagong LPA namataan sa Eastern Samar
Nalusaw na ang binabantayang Low Pressure Area (LPA) ng PAGASA sa silangang bahagi ng Mindanao.
Pero ayon sa PAGASA, isang panibagong LPA ang nabuo na huling namataan sa layong 50 kilometers East ng Guiuan, Eastern Samar.
Sa ngayon maliit pa ang tsansa na maging ganap na bagyo ang nasabing LPA.
Ayon sa PAGASA, ang LPA ay maghahatid ng katamtaman hanggang sa malakas na buhos ng ulan sa Eastern Visayas at Bicol Region.
Mahina hanggang katamtaman na pag-ulan naman at kung minsan ay malakas na buhos ng ulan ang mararanasan sa Aurora at Quezon.
