LPA sa labas ng bansa isa nang ganap na bagyo
Naging isa nang ganap na bagyo ang Low Pressure Area na binabantayan ng PAGASA sa labas ng bansa.
Sa inilabas na weather bulletin ng weather bureau, ang bagyo ay huling namataan sa layong 2,125 kilometers East ng Central Luzon.
Taglay nito ang lakas ng hanging aabot sa 45 kilometers bawat oras oras malapit sa gitna at pagbugsong aabot sa 55 kilometers bawat oras.
Kumikilos ang bagyo sa bilis na 15 kilometers bawat oras sa direksyong north northwest.
Ayon sa PAGASA , sa Miyerkules ng gabi o Huwebes ng umaga ay papasok sa bansa ang bagyo at papangalanang Rolly.
Posible ding lumakas pa ito maging isang tropical storm.
