LPA na nakatakdang pumasok sa bansa magiging ganap na bagyo sa weekend
Sa paglabas sa bansa ng bagyong Pepito na mayroong international name na Saudel, isang panibagong sama ng panahon ang papasok sa bansa.
Patuloy na binabantayan ng PAGASA ang isang Low Pressure Area (LPA) na nasa labas pa ng Philippine Area of Responsibility.
Ang LPA ay huling namataan sa layong 1,200 kilometers East ng Mindanao.
Ayon sa PAGASA bukas, ay inaasahan itong papasok sa bansa at sa weekend ay mabubuo bilang ganap na bagyo.
Sa ngayon ay wala pa itong direktang epekto saanmang panig ng bansa. (END)
