LOOK: Presidential daughter Sara Duterte nanguna sa presidential preference survey ng SWS
Si Presidential daughter Sara Duterte ang nanguna sa isinagawang presidential preference survey ng Social Weather Stations o SWS.
Sa isinagawang survey sa pagitan ng Nov. 23 hanggang Dec. 2, naglatag listahan ng mga pangalan ang SWS na pagpipilian.
Nakasaad ang tanong na “sa mga taong nasa listahan, sino ang iboboto ninyong presidente ng Pilipinas kung ang May 2022 elections ay gagawin na ngayon?”.
Nakasaad din na maaring magbigay ng pangalang wala sa listahan.
Sa survey ay nanguna si Sara Duterte (26), sumunod si dating Sen. Bongbong Marcos (14) at Sen. Grace Poe (14).
Sinundan sila nina Mayor Isko Moreno (12) at Manny Pacquiao (10).
Lumitaw din ang pangalan nina VP Leni Robredo, Sen. Ping Lacson, Sen. Bong Go, Cong. Alan Cayetano, Sen. Richard Gordon at dating CJ Antonio Carpio.
