LOOK: OFW mula Riyadh, Saudi Arabia napaanak pagdating ng NAIA
Ligtas ang kondisyon ng isang 37 anyos na ginang at kaniyang sanggol matapos itong mapaanak sa Ninoy Aquino International Airport Terminal 2.
Kabilang ang mga frontline personnel ng Philippine Coast Guard (PCG) na nakatalaga sa NAIA sa umasiste sa OFW na galing ng Riyadh, Saudi Arabia.
Ipinoproseso sa One-Stop Shop sa NAIA ang ginang nang pumutok ang panubigan nito.
Sa tulong ng mga coast guard personnel at medical service sa NAIA, ligtas na nakapanganak ang ginang.
Agad din silang naisailalim sa check up ni Doctor Rowena Bernal ng NAIA medical service bago naisakay sa ambulansya patungong Pasay City General Hospital.
