LOOK: Bangko Sentral ng Pilipinas may bagong logo

Ipinakita na sa publiko ng Bangko Sentral ng Pilipinas (BSP) ang bago nitong logo.

Sinabi ng BSP na ang bagong logo ay mayroon pa ring Philippine Eagle pero buo na ang larawan nito na kulay gold.

Paliwanag ng BSP, inspirasyon sa bagong logo ang mga wildlife photographs ng aktwal na Philippine Eagles.

Mayroon pa ring tatlong bituin na makikita sa ibabaw ng agila.

Ang paggamit pa rin ng agila sa bagong logo ay hindi lang layong i-represent ang BSP kundi maging ang sambayanang Filipino.

Gagamitin ng BSP ang bagong logo simula sa January 2021.