LOOK: Bagong “Plaza Hugo” sa Sta. Ana Maynila, binisita ni Mayor Isko Moreno
Personal na binisita ni Mayor Francisco ‘Isko Moreno’ Domagoso ang bagong Plaza Hugo sa Sta. Ana, Maynila.
Ayon sa alkalde, ito ay magiging bagong atraksyon sa mga Batang Sta. Ana sa oras na matapos itong ayusin.
Bilin ni Moreno kay Coun. Lou Veloso, magsagawa ng komedya at iba pang uri ng pagtatanghal kapag bumalik na sa normal ang sitwasyon sa lungsod.
Pinapaayos na rin ng alkade ang lapag ng nasabing plaza.
Mahigpit ding bilin ni Moreno na huwag lagyan ng pangalan niya o kahit na sinumang politiko.
“Walang pangalan ng politiko. ‘Wag pangalan ko. Sa inyo ito. You should own it,” ani Domagoso.
Mahigpit naman ang paalala ni Domagoso na patuloy na mag-ingat sa kabila ng banta ng COVID-19, at sundin ang curfew sa lahat ng oras. (BDC)
