LOOK: Aksidente Barangay Canlalay, Biñan, Laguna
Rumesponde ang mga tauhan ng CDRRMO-Fire Auxiliary Unit, CDRRMO-Beru, at ang BFP-Biñan sa vehicular fire na nangyari sa National Highway sakop ng Barangay Canlalay Biñan, Laguna.
Ayon sa Biñan Command Control and Communication Center, nangyari ang insidente malapit sa Phoenix Gas Station.
Makikita sa mga ibinahaging larawan na isang kotse ang nagliliyab habang nakapatong sa isa pang kotse.
Wala naman naiulat na nasaktan at namatay sa insidente at patuloy pang iniimbestigahan ang pangyayari. (D. Cargullo)
