Liza Soberano nag-rant sa Twitter dahil sa palpak na serbisyo ng network provider

Maging ang aktres na si Liza Soberano ay hindi napigilang mag-rant sa social media dahil sa nakadidismayang serbisyo ng network provider.

Sa kaniyang post sa Twitter, inihayag ni Liza ang pagkadismaya sa serbisyo ng Converge.

Ayon kay Liza hindi siya masaya sa mabagal na internet connection at dapat itong aksyunan ng Converge.

“Converge really needs to start fixing their internet speed. I am an unhappy customer,” ayon sa tweet ni Liza.

Nadismaya din si Liza dahil hindi man lang umano sumasagot sa telepono ang Converge.

Nagreply naman ang Converge sa tweet ng aktres at sinabing pinadalhan nila ito ng direct message.

Ilang araw na ding puno ng reklamo sa social media tungkol sa mabagal na internet connection ng Converge. (END)