Liquor ban ipatutupad sa Mandaluyong City
Magpapatupad muli ng liquor ban sa Mandaluyong City.
Batay sa memorandum order na nilagdaan ni Mandaluyong City Mayor Carmelita Abalos, ang liquor ban ay ipatutupad lamang sa oras ng uniform curfew.
Ibig sabihin mula alas 10:00 ng gabi hanggang alas 5:00 ng umaga ay bawal ang magbenta, mag-serve, at mag-deliver, ng nakalalasing na inumin.
Iiral ito hanggang sa March 31, 2021.
Bawal din ang pag-iinom ng alak at iba pang nakalalasing na inumin sa mga public place.
