Libreng mass swab testing sa Maynila inumpisahan na
Sinimulan na ngayong araw ang libreng mass swab testing sa lungsod ng Maynila.
Kasunod ito ng utos ni Manila Mayor Isko Moreno na magsagawa ng libreng swab tests sa mga miyembro ng working class sa lungsod.
Maagang pumila sa Baseco ang mga driver ng tricycle at pedicab para libreng makapagpa-swab test.
Maliban sa mga driver ng tricycle, pedicab, bus, at jeep ay iniutos din ni Moreno na maisailalim sa libreng swab test ang mga manggagawa sa mall, supermarket, hotel restaurant at mga nagtitinda sa palengke.
