Lady Gaga nag-alok ng $500,000 na reward para mahanap ang dalawang nawawala niyang aso
Nag-alok ng $500,000 na pabuya ang singer na si Lady Gaga upang maibalik sa kaniya ang dalawa niyang French bulldog.
Ang dalawang aso ay ninakaw habang ipinapasyal ito ng kaibigan ni Lady Gaga na si Ryan Fischer.
Sa ulat ng Los Angeles Police Department, si Fischer ay binaril habang ipinapasyal ang mga aso ni Lady Gaga na sina Koji, Miss Asia at Gustav sa West Hollywood noong Miyerkules ng gabi.
Nakaligtas naman si Fischer at nagpapagaling na.
Ang mga asong sina Koji at Gustav ay tinangay ng mga suspek habang si Miss Asia ay nakatakas at kalaunan ay naibalik kay Lady Gaga.
