Laban ng Detroit Pistons at Denver Nuggets ipinagpaliban ng NBA
Ipinagpaliban ng pamunuan ng NBA ang laban ngayong araw ng Detroit Pistons at Denver Nuggets.
Sa inilabas na pahayag sinabi ng NBA na ito ay salig sa Health and Safety Protocols ng liga.
Sinabi ng NBA na mayroong nagpapatuloy na contact tracing sa koponan ng Pistons.
Dahil dito, hindi nakamit ng Pistons ang requirement na pagkakaroon ng minimum na walong manlalaro laban sa Nuggets.
Wala pa namang inilalabas na pahayag ang management ng koponan ng Pistons. (D. Cargullo)
