Kunduktor ng bus at pasaherong nagsaboy ng gasolina may personal na away

Personal ang dahilan ng away ng babaeng kunduktor ng bus at pasaherong nagsaboy sa kaniya ng gasolina na naging dahilan ng sunog sa sa pampasaherong bus sa Quezon City kahapon (Jan. 3).

Ayon sa Quezon City Police District (QCPD) batay sa pahayag ng mga nakaligtas na pasahero, nadinig nilang nagtatalo ang dalawa na nauwi pa sakitan.

Hanggang sa dumating sa punto na naglabas ng bote ang lalaki at ang laman nito ay isinaboy sa kunduktor na kinilalang si Amelene Sembana.

Nakita rin ng mga pasahero na sinabuyan din ng lalaki ng ang kaniyang sarili ng gasolina.

Nasawi si Sembana sa insidente gayundin ang lalaki na hindi pa nakikilala.

Nakaligtas naman ang mga pasahero sa pamamagitan ng pagtalon sa bintana ng bus. (D. Cargullo)