Konstruksyon ng Diversion Road patungong Calbayog Airport ikinakasa na ng DPWH
Magtatayo ng Diversion Road ang Department of Public Works and Highways (DPWH) patungong Calbayog Airport.
Inaasahang makapagbibigay ito ng economic opportunities sa Calbayog City at iba pang bahagi ng Samar Province.
Ayon kay DPWH Sec. Mark VIllar, batay sa report ni Region 8 Director Nerie Bueno, ang Capoocan-Dagum Diversion Road ay sisimulan sa bahagi ng Matobato Elementary School sa Barangay Capoocan dadaan sa intersection ng Caramel Subdivision at Pagbalican Road hanggang sa Calbayog Diversion Road sa Barangay Dagum.
Inaasahan ayon kay Villar na maiibsan ang pagsisikip sa daloy ng traffic sa Daang Maharlika kapag peak hours.
Ang proyekto ay may habang 1.156 kilometer, mayroong apat na lanes at dagdag na dalawang bicycle lanes, at dalawang pedestrian lane sa magkabilang direksyon. (D. Cargullo)
