Kilo-kilong pata ng baboy nakumpiska sa Blumentritt Market
Kinumpiska ng mga tauhan ng Veterinary Inspection Board (VIB) Special Enforcement Squad ng Maynila ang 14 na kilo mg pata ng baboy sa Blumentritt Market.
Ito ay makaraang matuklasang ibinebenta ang mga karne nang walang Meat Inspection Certificate.
Regular na nagsasagawa ng inspeksyon ang VIB sa mga palengke sa lungsod para masiguro na ligtas at de kalidad ang mga karne at frozen products na ipinagbibili.
Paalala ni VIB Director Dr. Nicanor Santos Jr. sa publiko maging mapanuri sa mga binibiling produkto.
“Palagi pong tingnan kung mayroong Meat Inspection Certificate ang inyong mga binibili, maging sa mall o palengke man,” ayon kay Santos.
Hinimok din ng VIB ang publiko na isumbong ang mga stalls o tindahan na nagbebenta ng kahina-hinalang produkto. (END)
