Kaso ng COVID-19 sa Quezon City 8,589 na
Umakyat na sa 8,589 ang kumpirmadong kaso ng COVID-19 sa Quezon City.
Ayon sa Quezon City Government, sa nasabing bilang, 8,514 ang kumpirmado ng Department of Health na mayroong kumpletong address.
8,488 naman ang na-validate na ng QC Surveillance and Epidemiology Unit at District Health Offices.
2,149 ang aktibong kaso ng COVID-19 sa lungsod habang 5,982 ang naka-recover na.
Umabot naman na sa 357 ang nasawi sa lungsod dahil sa sakit. (END)
