Kaso ng COVID-19 sa Maynila nadagdagan ng 788 pa

Nadagdagan ng 788 pa ang kaso ng COVID-19 sa Maynila.

Sa datos mula sa Manila Health Department, hanggang alas 12:00 ng tanghali ng Miyerkules – March 31, ay 4,472 na ang active cases ng COVID-19 sa lungsod.

Umabot na sa 40,984 ang total confirmed COVID-19 cases sa lungsod.

Habang 35,616 na ang kabuuang bilang ng mga gumaling na makaraang makapagtala pa ng dagdag na 367 recoveries.

Nakapagtala naman ng 2 pang nasawi kaya 896 na ang kabuuang bilang ng mga pumanaw sa lungsod dahil sa COVID-19.

Pinakamaraming aktibong kaso ay sa Sampaloc na umabot sa 779 cases.