Kaso ng COVID-19 sa Maynila nadagdagan ng 39 pa

Nakapagtala ng 39 pang bagong kaso ng COVID-19 sa lungsod ng Maynila.

Sa datos mula sa Manila Health Department, hanggang alas 12:00 ng tanghali ngayong araw, Feb. 3 ay 390 ang active cases ng COVID-19 sa lungsod.

Umabot naman na sa 26,601 ang total confirmed COVID-19 cases.

Habang 25,424 na ang kabuuang bilang ng mga gumaling na makaraang makapagtala pa ng dagdag na 32 recoveries.

Nakapagtala naman ng dagdag 1 pang nasawi kaya 787 na kabuuang bilang ng mga pumanaw sa lungsod dahil sa COVID-19.