Kaso ng COVID-19 sa bansa mahigit 126,000 na; mahigit 4,000 ang nadagdag ayon sa DOH

Nakapagtala ng 4,226 na dagdag sa kaso ng COVID-19 sa bansa.

Ayon sa inilabas na case bulletin ng Department of Health (DOH) dahil sa panibagong dagdag na kaso, umabot na sa 126,885 ang naitatalang confirmed COVID-19 sa bansa.

Sa nasabing bilang 57,559 na lang ang aktibong kaso.

Nakapagtala naman ng 287 na dagdag na recoveries kaya umabot na sa 67,117 ang total number of recoveries.

Habang may nadagdag na 41 sa bilang ng mga nasawi.

Kaya umabot na sa 2,209 ang bilang ng mga nasawi sa bansa dahil sa COVID-19.