Kaso ng COVID-19 sa bansa mahigit 106,000 na

Mahigit 106,000 na ang total confirmed cases ng COVID-19 sa bansa.

Sa datos na inilabas ng Department of Health (DOH) alas 4:00 ng hapon ng Lunes, August 3 may naitalang 3,226 na dagdag na kaso.

Dahil dito umabot na sa 106,330 ang kabuuang kaso ng COVID-19 sa bansa.

Nakapagtala din ng dagdag na 275 na gumaling na sa sakit.

Ayon sa DOH, ang total number of recoveries ay 65,821. Habang 38,405 naman ang aktibong kaso.

Nakapagtala din ng dagdag na 46 na nasawi dahil sa sakit.

Ang bilang ng mga pumanaw sa bansa dahil sa COVID-19 ay 2,104 na. (END)