Kaso ng COVID-19 sa bansa 153,660; mahigit 6,000 ang nadagdag – DOH
Sumampa na sa 153,660 ang kabuuang kaso ng COVID-19 sa bansa.
Ito ay makaraang makapagtala ng dagdag na 6,216 na bagong kaso.
Sa case bulletin ng DOH na inilabas alas 4:00 ng hapon ng Biyernes, August 14 ang datos ay mula sa 98 out of 103 licensed laboratories.
Nasa 16 ang napaulat na dadgag na nasawi kaya umakyat na sa 2,442 ang COVID-19 related deaths sa bansa.
Ayon pa sa DOH, 1,038 naman ang gumaling pa sa bansa.
Dahil dito, umakyat na sa 71,405 ang total recoveries ng COVID-19 sa Pilipinas.
