Kapitana Mayet Hernandez ng Brgy. San Isidro, Montalban, Rizal negatibo na sa COVID-19

Nag-negatibo na sa COVID-19 si Kapitana Karen Mae “Mayet” Hernandez ng Barangay San Isidro sa Montalban, Rizal.

Nauna nang kinumpirma ng kapitana na siya ay nagpositibo sa sakit matapos mahawa sa kaniyang ama na si dating Montalban Mayor Elyong Hernandez na pumanaw dahil sa COVID-19.

Sa kaniyang post sa Facebook page, sinabi ng kapitana na negatibo na ang resulta ng kaniyang latest swab test.

“Mula sa mataimtim at maraming pagdarasal namin ng aming pamilya kasama ng buong Montalban, may malaking ginhawa kong inihahayag na AKO AY NEGATIVE SA COVID-19,” ayon kay Hernandez.

Nakaburol pa ang mga labi ng kaniyang ama na si dating Mayor Elyong Hernandez.

Ayon kay Kapitana Mayet, ang ang viewing para sa burol ng kaniyang ama ay hanggang March 16.