Kapitan ng isang barangay sa Baggao, Cagayan arestado sa ilegal na droga
Arestado ang kapitan ng barangay San Isidro sa bayan ng Baggao na si Arnold Antonio Alonzo sa isinagawang buy bust drug operation.
Naaresto si Alonzo sa isinagawang operasyon ng PDEA Cagayan, Provincial Drug Enforcement Unit ng Cagayan Police Provincial Office (PDEU-CPPO) at Baggao Police Station.
Si Alonzo ay nasa listahan ng mga high value target ng PDEA at PNP.
Nakuha sa kaniya ang isang gramo ng hinihinalang shabu na nakasilid sa isang heat-sealed plastic sachet.
Nagkakahalaga ang naturang ilegal na droga ng P6,800.
Nahaharap ngayon ang kapitan sa kasong paglabag sa RA 9165 o Comprehensive Dangerous Drug Act of 2002.
