Kamara handang muling pag-aralan ang Universal Health Care Act at IRR nito
Nakahanda ang Kamara na muling rebisahin ang Universal Health Care Act at ang Implementing Rules and Regulations (IRR) nito.
Partikular na aaralin ng Kamara ayon kay House Speaker Lord Allan Velasco ang probisyon ng batas tungkol sa premium rate hike sa mga miyembro ng PhilHealth.
Kasabay nito hinikayat ni Velasco ang PhilHealth at ang Department of Health (DOH) na makipagtulungan sa lehislatura para masiguro na hindi magkakaroon ng dagdag na pasanin ang publiko ngayong mayroong pandemya ng COVID-19.
Pinapurihan naman ng Kamara ang pasya ni Pangulong Rodrigo Duterte na suspindihin ang pagtataas ng PhilHealth premium contributions ngayong may COVID-19 crisis. (D. Cargullo)
