Justin Bieber nagpositibo sa COVID-19; show sa LA ipinagpaliban
Hindi muna matutuloy ang show ni Justin Bieber sa Los Angeles na bahagi ng kaniyang “Justice World Tour”.
Ito ay makaraang magpositibo sa COVID-19 ang singer.
Sa Twitter account ng “Justice Tour Updates”, itinakda na lamang sa June 28 ang kaniyang LA show.
Sa pahayag, nakasaad na may mga miyembro ng Justice Tour Family ang nagpositibo sa COVID-19.
Bagaman hindi binanggit sa pahayag na kabilang si Bieber sa nagpositibo, isang kinatawan ng singer ang nagbigay ng pahayag at sinabing mild case lamang ng COVID-19 ang tumama sa American pop star.
Lahat ng tickets para sa Las Vegas show ay maaring gamitin sa June 28.
Puwede ring mag-request ng refund ang fans kung nais nila. (DDC)
