Jollibee Branch sa Bonifacio – Stop Over sa BGC pansamantalang isinara dahil sa “fried towel” issue

Pansamantala munang isasara ang Jollibee Branch sa Bonifacio – Stop Over sa BGC, Taguig City.

Kasunod ito ng “fried towel” na nag-viral sa social media.

Ayon sa pahayag na inilabas ng pamunuan ng Jollibee, isasara muna ang naturang branch simula araw ng Huwbes, June 3 para bigyang-daan ang masusing imbestigasyon.

Sinabi din sa pahayag na kailangang matiyak ng naturang branch na hindi na mauulit ang insidente.

Magpapadala din ng paalala ang Jollibee sa lahat ng kanilang stores na tiyakin ang pagsunod sa food preparation systems ng food chain.