Jimin ng BTS nagpositibo sa COVID-19; naoperahan din dahil sa acute appendicitis

Kinumpirma ng Big Hit Music na nagpositibo sa COVID-19 si Jimin ng K-pop sensation na BTS.

Ayon sa pahayag, nakaranas ng abdominal pain at mild sore throat si Jimin mula noong Jan. 30 ng tanghali.

Nagtungo ito sa emergency room ng ospital at sumailalim sa PCR test.

Na-diagnose si jimin na may acute appendicitis at nagpositibo din sa COVID-19.

Agad siyang isinailalim sa operasyon noong Jan. 31 ng umaga.

Naging matagumpay naman ang surgery ayon sa Big Hit at kasalukuyang nagpapagaling na si Jimin.

Hindi rin nagkaroon ng contact si Jimin sa iba pang miyembro ng grupo. (DDC)