Ilang miyembro ng gabinete, PSG at AFP nabakunahan na kontra COVID-19 – Sec. Año
Kinumpirma mismo ni Interior and Local Government Sec. Eduardo Año na may ilan nang miyembro ng gabinet at ilang tauhan ng Philippine Coast Guard (PCG) at Armed Forces of the Philippines (AFP) ang nabakunahan na laban sa COVID-19.
Ayon kay Año, si Pangulong Rodrigo Duterte ay hindi pa tumatanggap ng bakuna dahil ayaw pa ng kaniyang mga duktor.
Sa isang panayam, kinumpirma ni Año na halos lahat din ng mga sundalo ang nabakunahan na.
Hindi naman tinukoy ni Año kung anong bakuna ang ginamit pero batid umano niyang wala pang bakuna sa bansa na may final approval ng Food and Drug Administration.
Sinabi ni Año na ang kaniyang pagkumpirma ay dahil nais niyang maging prangka at tapat.
Una nang umugong ang mga bali-balitang may mga miyembro ng gabinete ang naturukan na ng bakuna.
