Higit Pisong pagtaas sa presyo ng diesel at kerosene ipatutupad bukas ng mga kumpanya ng langis
Magpapatupad ng mahigit Pisong pagtaas sa presyo ng produktong petrolyo ang mga kumpanya ng langis.
May dagdag na P1.25 kada litro sa presyo ng diesel; P1.10 sa presyo ng kada litro ng kerosene at 75 centavos na dagdag sa kada litro ng gasolina.
Unang magpapatupad ng dagdag presyo ng Chevron alas 12:01 ng madaling araw bukas (Feb. 16).
Alas 6:00 naman ng umaga magiging epektibo ang dagdag presyo ng iba pang kumpanya ng langis gaya ng Shell, Petron, SeaOil, Petro Gazz, Unioil, Total at PTT.
Habang alas 4:01 ng hapon pa magiging epektibo ang dagdag presyo ng CleanFuel.
Ang dagdag presyo ay bunsod ng paggalaw ng presyo ng produktong petrolyo sa pandaigdigang pamilihan.
