Halos P2.5M na halaga ng marijuana nakumpiska sa Angeles City, Pampanga
Aabot sa halos P2.5 milyon halaga ng marijuana ang nakumpiska ng mga otoridad sa dalawang suspek sa Angeles City, Pampanga.
Ayon kay PRO3 Regional Director P. Brig. Gen. Valerano De Leon, ang mga nadakip ay kinilalang sina Benhur Buenaventura na itinuturing na High Value Individual, at residente ng Angeles City; at si Marion Raymundo, na residente din sa lungsod.
Nadakip ang dalawa ng pinagsanib na pwersa ng Angeles City Police Office at PDEA Angeles-Pampanga sa ikinasang buy bust operation sa Brgy. Balibago.
Nakumpiska sa kanila ang 22 plastic wrapped ng dried marijuana na tinatayang aabot sa 2,448,000 ang halaga.
Mahaharap sila sa kasong paglabag sa Sections 5, 26, 11 at 15, Art II ng RA 9165. (D. Cargullo)
