Halos 800 PNP personnel nagbabantay na sa Quarantine hotels
Mayroon nang halos 800 tauhan ng Philippine National Police (PNP) ang nagbabantay sa mga quarantine hotels.
Kasunod ito ng utos ni Pangulong Rodrigo Duterte na mag-inspeksyon ang PNP sa mga quarantine hotel upang hindi na maulit ang pagtakas ng mga returning overseas Filipinos habang sila ay sumasailalim sa quarantine.
Ayon kay acting presidential spokesperson at Cabinet Secretary Karlo Nograles, mayroon nang nai-deploy na 748 na PNP personnel sa 270 DOH-BOQ-DOT hotels.
Ayon sa datos, mayroong 18,562 ang kasalukuyang naka-quarantine ngayon sa mga hotel na accredited ng DOH, BOQ at DOT. (DDC)
