Halos 500 pamilya sa 4 na lalawigan sa Calabarzon nananatili sa evacuation centers
Halos 500 pamilya pa ang nananatili sa mga evacuation center sa iba’t ibang lalawigan sa Calabarzon.
Batay sa datos mula sa Department of Social Welfare and Development (DSWD) Region 4-A, 455 na pamilya o katumbas ng 1,725 na katao ang nasa mga evacuation center pa sa Cavite, Rizal, Batangas at Laguna.
277 na pamilya naman o 1,028 na katao ang pansamantalang nanunuluyan sa kanilang kaanak o kaibigan.
Ayon sa DSWD umabot na sa 301,260 na halaga ng tulong ang naipagkaloob sa mga apektadong pamilya. (Dona Dominguez-Cargullo)
