Halaga ng pinsala ng Typhoon Odette umabot na sa mahigit P388M

Umabot na sa mahigit P388,000,000 ang halaga ng pinsala ng Typhoon Odette sa bansa.

Sa datos mula sa National Disaster Risk Reduction and Management Council (NDRRMC), umabot sa mahigit P225 million ang halaga ng pinsala sa imprastraktura.

Nakapagtala ng mahigit 6,000 bahay at 24 na iba pang pasilidad ang nasira dahil sa bagyo.

Umabot naman sa mahigit P162 million ang halaga ng pinsala sa ari-arian.

Ayon sa NDRRMC, mahigit 6,800 na ektarya ng mga pananim ang nasira ng bagyo.

Samantala, mayroon nang 12 lungsod at munisipalidad sa CARAGA ang nagdeklara ng state of calamity. (DDC)