GSIS Head Office sa Pasay sarado muna simula ngayong araw (Mar. 5)
Isinara muna sa publiko simula araw ng Biyernes (Mar. 5) ang head office ng GSIS sa Pasay City.
Batay sa abiso, ito ay para makapagsagawa ng masusing disinfection at sanitation sa buong pasilidad.
Muling magbubukas ang tanggapan sa Lunes, March 8.
Maari pa rin namang gamitin ang online facilities ng GSIS.
Ang mga miyembro at pensioners ay maaring mag-file ng loans at claims sa pamamagitan ng email o eGSISMO.
Pwede ring gamitin ang mga GWAPS kiosks para sa loan application na matatagpuan sa mga government office, SM Supermalls at Robinson’s branches.
