Gov. Jonvic Remulla hindi pinapasok sa Mall sa Silang, Cavite dahil walang face shield
Hindi pinapasok sa mall sa Silang, Cavite si Gov. Jonvic Remulla dahil wala itong suot na face shield.
Ikinuwento ng gobernador sa kaniyang Facebook page na nagtungo siya sa Marketplace Westborough sa Barangay Inchican.
Bibili umano siya dapat ng pang-ahit pero hindi siya pinapasok ng security guard dahil wala siyang suot na face shield.
Ayon kay Remulla, naiwan niya sa sasakyan ang face shield kaya bumalik siya para kuhanin ito.
Pinapurihan naman ni Remulla ang management ng mall at ang security guard sa maayos na pagganap sa tungkulin nito.
“Hindi ako nagpakilala at lalong hindi rin ako nagpumilit na papasukin. He was only doing his job while I was neglectful of my own rules and responsibilities. Congratulations and good job, Marketplace. Truly, I am not above the law,” ayon sa gobernador. (D. Cargullo)
