Glan, Sarangani niyanig ng magnitude 4.4 na lindol
Niyanig ng magnitude 4.4 na lindol ang lalawigan ng Sarangani.
Ang pagyanig ay naitala sa layong 27 kilometers southeast ng bayan ng Glan ala 1:45 ng madaling araw ngayong Biyernes, February 26.
Ayon sa PHIVOLCS, tectonic ang origin ng lindol na may lalim na 18 kilometers.
Naitala ang Instrumental Intensity I sa General Santos City, at sa bayan ng Alabel at Kiamba sa Sarangani.
Hindi naman ito inaasahang magdudulot ng pinsala at aftershocks.
