Gilas Pilipinas para-paraan sa pag-ehersisyo sa Serbia
Para-paraan sa pagwo-work out ang Gilas Pilipinas sa Belgrade, Serbia bilang paghahanda sa kanilang laban sa Fiba Olympic Qualifying Tournament.
Ayon sa Samahang Basketbol ng Pilipinas, limitado lamang ang gym time ng team habang sila ay nasa “bubble” set up.
Dahil dito, gumagawa na lamang ng paraan ang team at ginagamit ang kung anong available para makapag work out.
Sa larawang ibinahagi ng SBP makikita ang mga manlalaro na nagbubuhat ng kahon ng mineral water.
Maging ang dining area ay ginamit din ng team para makapag-ehersisyo.
